Teqja e Madhe e Halvetive dhuron 100 pako ushqimore dhe 100 thasë miell për familjet në nevojë

Teqeja e Madhe e Halvetive, përkatësisht prijësi i saj Shejh Besim Shehu, ka dhuruar sot 100 pako ushqimore dhe 100 thasë miell për familjet në nevojë të komunës së Rahovecit.

Kryetari Smajl Latifi i cili e ka publikuar njoftimin ka thënë se në këto ditë të vështira, kur një pjesë e vendit është duke u përballur me pandeminë COVID -19, natyrisht se është e mirëpritur secila ndihmë, e cila bashkon dhe motivon për humanizëm.

“I udhëhequr nga fryma e humanizmit dhe solidaritetit, Shejh Besimi mbetet pjesë e këtyre vlerave të shtuara njerëzore, kombëtare dhe fetare, të cilat na nderojnë çdoherë. Faleminderit Shejh Besim për solidarizimin dhe mbështetjen! Qofshim gjithmonë të bashkuar, ashtu si në këto ditë jo të lehta, edhe në ditë të mira! Zoti ju bekoftë juve Shejh Besim dhe Teqenë e Madhe të Halvetive në Rahovec!”, ka shkruar Latifi.