Sot në Kosovë do të mbajë mot kryesisht me diell dhe shumë i nxehtë. Pritet kulminacioni i valës së nxehtësisë. Temperaturat maksimale do të arrijnë rreth 36- 37-38 gradë celsus, ndërsa lokalisht mund të prekin edhe shifrën 39C. Edhe gjatë natës do të vazhdojë të jetë nxehtë ku në shumë rajone temperaturat nuk do të ulën nën 20 gradë celsius, pra priten netë tropikale.
Edhe në rajon sot mot me diell dhe shumë i nxehtë me temperatura maksimale rreth 39 gradë celsius në nivel rajoni. Pasdite në disa rajone mund të ketë zhvillim lokal të vranësirave.
Ndërkaq, nesër do të vazhdojë të mbajë mot mjaft i nxehtë, por do të ketë ulje të lehta temperaturash në krahasim me të martën si pasojë e depërtimit të një fronti të dobët të ftohtë ajror. Pasdite në shumë rajone në Kosovë priten edhe zhvillime vranësirash të cilat do të sjellin rrebeshe lokale shiu të cilat do të shoqërohen me vetëtima, bubullimë dhe mundësi edhe për breshër.
Edhe në Shqipëri, Maqedoninë e Veriut dhe Mal të Zi të mërkurën pritet mot shumë i nxehtë, ndërsa pasdite në viset kontinentale të rajonit (kryesisht viset kodrinore-malore) priten zhvillime të vranësirave të cilat do të kushtëzojnë rrebeshe lokale shiu me vetëtima dhe bubullimë.
Të enjtën do të vazhdojë të mbajë mot i nxehtë dhe me zagushim. Pasdite apo në mbrëmje, vende-vende priten rrebeshe shiu me vetëtima dhe bubullimë./Meteoballkan