Rahoveci ndan mjete financiare për klubet e veta sportive

Komuna e Rahovecit bën të ditur përmes një komunikate për media se ka ndarë mjete financiare për mbështetje në fushën e sportit me vlerë të përgjithshme prej 82 mijë euro, transmeton Koha.net.

“Sot kryetari i komunës së Rahovecit Smajl Latifi në prani të drejtoreshës së Kulturës, Rini dhe Sport Bjondina Kleqka kanë nënshkruar kontratat për ndarjen e mjeteve financiare për mbështetje në fushën e sportit me vlerë të përgjithshme prej 82 mijë euro, me përfaqësuesit të këtyre OJQ-ve”, shkruan në njoftimin e komunës.

“Nënshkrimi i kontratave ka ardhur pas formimit të komisionit nga ana e kryetarit për Shqyrtimin dhe Vlerësimin e Aplikacioneve për Ndarje të Subvencioneve. I njëjti komision ka shqyrtuar dhe vlerësuar të gjitha aplikacionet dhe dokumentacionin përkatës të dërguara nga OJQ-të bazuar në thirrjen publike të datës 08.02.2019, dhe sipas kritereve, Komisioni Vlerësues ka shpallur fitues për Subvencione për këto OJQ: KB Rahoveci 40 000 euro, KF Rahoveci 24 000 euro ,KF Xërxa 4 000 euro, KF Dejni 4 000 euro, KF Bashkimi 4 000 euro, Shkolla e futbollit Rahoveri 1 500 euro Klubi i shahut Rahoveci 1 500 euro, Shoqata e Pedagogëve të kulturës fizike 500 euro, Shoqata e peshkatarëve Amur 800 euro, Shkolla e futbollit Drenoci 800 euro dhe Auto Moto 900 euro”, sqaron njoftimi.

“Pa nënshkrimit të kontratave, kryetari Latifi i ka uruar për sukseset e tyre në disiplinat ku garojnë duke u thënë po ashtu se dëshira jonë është që t’ju mbështesim edhe me më shumë më mjete financiare, por kjo është mundësia buxhetore e buxhetit të komunës së Rahovecit”, përfundon njoftimi.

Reklama