Pronarët e bizneseve kërkojnë që të mos zëvendësohen ditët e festave kur bien në fundjavë

Oda e Afarizmit të Kosovës i ka bërë thirrje Qeverisë Kurti që të bëjë ndryshime urgjente në festat zyrtare. Nëpërmjet një komunikate, Oda shkruan se zëvendësimi i ditëve të festave që bien në ditë vikendi është praktikë që po e dëmton vendin në aspektin financiar e ndërkombëtar.

“OAK kërkon që festat zyrtare të mos zëvendësohen me ditë punë në rastet kur ato bien gjatë ditëve të vikendit, por ditë pushimi të jetë vetëm dita e cila është ditë pushimi”, thuhet tutje.

Tutje, është kërkuar që Dita e Kushtetutës më 9 Prill dhe 9 Maji, Dita e Evropës, të shënohen si festa por të mos jenë ditë pushimi.

“OAK kërkon gjithashtu që festat e komuniteteve të jenë ditë pushimi për këto kategori, por jo edhe për gjithë vendin. OAK, mbetët me shpresë se këto rekomandime do të merren parasysh në mënyrë që të kontribuohet në rritjen e ditëve të punës dhe rritjen e ardhjes së investimeve nga Evropa aq shumë të nevojshme për vendin tonë me papunësinë më të madhe në Evropë dhe me të ardhurat më të vogla për kokë banori ne Evropë”, thuhet në njoftim.

Reklama