Policia e Kosovës blen 10 qen zyrtarë, 5 mijë euro një

Në muajin e kaluar, institucioni i zbatimit të ligjit në vend, Policia e Kosovës, ka blerë gjithsej 10 qen zyrtarë në vlerë 54 mijë euro.

Nga 5 mijë euro do të kushtojë secili qen përderisa 4 mijë euro do të paguhet për transportin e tyre, shkruan Kallxo.com.

Fituese e kontratës e cila ka një kohëzgjatje prej 30 ditëve është “Marija Cirimotic j.d.o.o“, nga Zagrebi i Kroacisë.

Tenderi për blerjen e qenve është hapur përmes procedurës së negociuar pa publikim të njoftimit për kontratë, me kriter për dhënie të kontratës, çmimi më i ulët.

Kallxo.com para disa ditësh raportoi se Policia e Kosovës pritet të blejë kamera të trupit për policët në terren.