Policia e kap huliganin nga Lipjani që e goditi në kokë gruan e komunitetit ashkali

Policia e Kosovës ka njoftuar se e ka kapur personin nga Lipjani i cili dje ka goditur në kokë një grua, e cila gjatë tërë ditës u linçua nga media dhe huliganë virtualë, pa fakte, si rrëmbyese fëmijësh.

“Identifikohet dhe shoqërohet në stacion policor personi i cili dyshohet se e sulmoj viktimën femër në Lipjan. Si rezultat i hetimeve intensive të njësiteve policore, është arritur të identifikohet dhe njëherit të shoqërohet në stacion policor, personi i dyshuar mashkull/kosovar, viti i lindjes (2002) i cili ka qenë i përfshirë në këtë rast”, thueht në njoftim.

Sipas njoftimit, personi i dyshuar pas intervistimit me urdhër të prokurorit kujdestar është liruar në procedurë të rregullt, përderisa Policia e Kosovës thotë se do të vazhdojë me angazhimet e saj policore me qëllim të parandalimit të rasteve të tilla krijimit të lirisë së lëvizjes së lirë për të gjithë qytetarët pa dallime.

Reklama