Ndeshje me plot tensione, Prishtina – kampione e Kosovës

Prishtina është kampione e Superligës së Kosovës në basketboll për vitin 2019.

Pasi fitoi Kupën, Prishtina ka triumfuar edhe në Superligën e Kosovës në basketboll, duke e mposhtur Rahovecin.

Në serinë e finaleve, Prishtina u tregua më e fortë se Rahoveci, duke triumfuar 3-1, ndërsa në takimin e fundit, në “Mizahir Isma”, skuadra nga kryeqyteti i shkatërroi vendasit duke fituar me rezultat 104:75.

Ndeshja në “Mizahir Isma” u përcjell me shumë tensione.

Në çerekun e tretë, ndeshja u ndërpre kur Prishtina po fitonte 71:52, pasi një tifoz hyri në parket në një moment kur disa basketbollistë i lëshuan nervat dhe nisën sherrin.

Reklama