Moti për sot, pasditja sjell vranësira

Siç po shihet në fotografinë satelitore sot paradite rajoni ynë ishte kryesisht i kthjellët dhe me diell, por pati edhe disa vranësira.

Ndërkohë në këto çaste ka edhe zhvillime të vranësirave dhe rrebeshe të izoluara shiu kryesisht në viset kodrinore-malore në rajone kufitare me Malin e Zi dhe Maqedoninë.

Në vazhdim të ditës në Kosovë priten zhvillime të mëtutjeshme të vranësirave të cilat do të sjellin rrebeshe lokale shiu me vetëtima dhe bubullimë.

Pasiqë kemi të bëjmë me reshje tipike verore, këto reshje nuk do të kapin tërë territorin, pra në disa rajone priten rrebeshe të fuqishme, kurse në disa rajone tjera mund të mos ketë asnjë pikë shiu.

Rrebeshe lokale shiu priten në Kosovë, Shqipërinë lindore, verilindore, juglindore dhe pjesë të jugut dhe qendrës si dhe në veriun e Malit të Zi dhe shumë pjesë të Maqedonisë së Veriut. Në disa rajone do të ketë mundësi që të ketë edhe breshër.

Reklama