Limaj e pranon humbjen: Nisma s’do të jetë pjesë e Kuvendit

Këtë herë Nisma Socialdemokrate nuk do të jetë pjesë e parlamentit, por kjo nuk do të ndal zërin e fuqishëm të Nismës në kauzën në mbrojtje të vlerave tona njerëzore-kombëtare, tha Fatmir Limaj, një natë pas zgjedhjeve.

Ai tha se partia e tij do të vazhdojë t’i mbrojë vlerat njerëzore e kombëtare të shtetit, teksa falënderoi votuesit e tij.

“Unë në emër të kryesisë së partisë nga shpirti ju falënderoj, të mbështetni kauzën tonë, ka qenë një fushatë elektorale e jashtëzakonshme, kemi arritur një objektiv të madh pasi ata që tentuan ta përdhosin kauzën tonë, vlerat tona kombëtare njerëzore, t’I rikthejmë edhe njëherë fuqishëm në skenën tonë, në opinionin publik të Kosovës, të gjithë ata që tentuan të zbehin e të fyejnë ato vlera, gjatë fushatës elektorale i pam se ju kthyen këtyre vlerave. Ne do të vazhdojmë në promovimin e vlerave të klauzës sonë, do të jemi zëdhënës i atyre mijëra votuesve tonë, nuk do të ndalemi”, tha ai ndër të tjera.

Reklama