LDK shpëton veten nga trazirat e brendshme duke ia zgjatur mandatin e kryetarit Isa Mustafës

Isa Mustafa është kandidati konsensual për kryetar të Lidhjes Demokratike të Kosovës.

Ky vendim është marrë në parim në kryesinë e Lidhjes Demokratike të Kosovës, mëson Klan Kosova nga burimet e saj.

Kërkesa që Mustafa të kandidojë për mandatin e tretë ka ardhur pas insistimit të një pjese të Kryesisë së Lidhjes Demokratike të Kosovës.

Ky vendim nuk është kundërshtuar as nga pretendentët për kryetar të LDK-së, aktualisht nënkryetarët Agim Veliu dhe Lutfi Haziri.

Që të dy nuk kanë folur pas takimit të kryesisë së LDK-së.

Dy ditë para Kuvendit të këtij subjekti, kryesia nuk ka arritur të vendosë nëse do të nominojë një figurë tjetër për pozitën e kryeministrit.

Një gjë e tillë mbetet për t’u diskutuar në takimin e nesërm që planifikon ta zhvillojë Kryesia e ngushtë e Lidhjes Demokratike të Kosovës.

Për më shumë ndiqni edicionin e sotëm të Info Magazines, ku do të marrim vesh detaje nga vendimet e fundit të LDK-së si dhe do të diskutohet për historikun e Kuvendeve të brendshme të LDK-së me bashkëpunëtorin e presidentit të ndjerë Ibrahim Rugova, Adnan Merovcin.

Reklama