Kryetari i Rahovecit, Smajl Latifi, ka uruar festën e Bajramit të Madh, duke publikuar një fotografi me familjen e tij.
Urimin ai ua ka drejtuar edhe familjarëve të dëshmorëve e familjarëve të të pagjeturve dhe të gjithë qytetarëve të besimit islam.
Latifi ka kërkuar që solidarizimi me të varfrit të jetë në fokus të kësaj feste.
Urimi i plotë i Latifit:
ME FAT BAJRAMIN E MADH!
Të nderuar bashkëqytetarë të Rahovecit, familjarë të dëshmorëve e martirëve, familjarë të të pagjeturve, ju bashkëkombës e ju qytetarë të tjerë të besimit islam kudo që jeni, më lejoni që të shfrytëzoj rastin, t’ju uroj festën e Bajramit të Madh, festë kjo që vjen menjëherë pas përfundimit të Muajit të Bekuar të Ramazanit!
Solidarizimi me të varfërit është mesazhi kryesor që kjo festë na kujton të gjithëve, andaj dua të ju falënderoj të gjithëve që keni shprehur gatishmërinë që në secilën mënyrë, të ndihmoni të gjithë ata që kanë nevojë, në ditë jo të lehta për shumë prej nesh.
Bajrami i Madh historikisht na ka bërë bashkë, duke na kujtuar që të japim më shumë nga ajo që kemi e të kujdesemi më shumë për të tjerët, e sidomos për ata që kanë nevojë për ne. Sakrifica e muajit të Ramazanit dhe solidariteti në festën e Bajramit duhet të na bëjë bashkë, të mendojmë e çdo ditë të kontribuojmë për një mirëqenie më të mirë për shoqërinë tonë.
Andaj, urime këtë festë të madhe dhe Zoti ua pranoftë të gjithë atyre që agjëruan muajin e Ramazanit!
