Latifi pas takimit me Basri Sejdiun: Funksonalizimi i Hemodializës në Rahovec, çështje javësh

Kryetari Smajl Latifi e ka marrë me seriozitet të lartë funksionalizimin e Repartit të Hemodializës në Rahovec. Sot ai është takuar me drejtorin e DSHM-së Samira Mustafa dhe drejtorin e përgjithshëm të SHSKUK-së, Basri Sejdiu.

Sipas njoftimit të Latifit, nga drejtori Sejdiu ka marrë mbështetjen e plotë për funksionalizimin e këtij reparti

“Bashkë me Drejtorin e DSHM-së Samir Mustafën pritëm në takim Drejtorin e Përgjithshëm të SHSKUK-së (Shërbimit Spitalor dhe Klinik Universitar të Kosovës), Dr. Basri Sejdiun dhe Drejtorin e Spitalit Rajonal të Prizrenit Dr.Afrim Avdajn. Nga Drejtori i SHSKUK-së morëm mbështetje të plotë për funksionalizimin e repartit te hemodializës në Rahovec”, ka shkruar Latifi.

Ai ka thënë se tashmë hapja e repartit te hemodializës është çështje javësh dhe se kanë mbetur vetëm edhe disa çështje teknike deri në përfundim

“Ky do të jetë një hap i rëndësishëm për shëndetësinë e Rahovecit, sektor ky që trajtohet me prioritet të lartë nga Komuna”, ka shkruar në fund Kryetari Latifi. /RahoPress/

 

Reklama