Kryetari i Komunës Smajl Latifi ka kumtuar një lajm tejet të mirë për fermerët e Rahovecit, të cilëve breshëri i viteve të kaluara u kishte shkaktuar dëme të mëdha në kulturat e tyre bujqësore.
Latifi ka njoftuar se tashmë ka nisur shpërndarja e parave të dëmshpërblimeve, pas vendimit të kryeministrit të Kosovës, Ramush Haradinaj, që të ndahen paratë.
Kryetari ka njoftuar se është bërë transferimi i mjeteve për grupin e parë për 293 fermerëve prej 301,621 eurosh.
Njoftimi i plotë:
Kemi kënaqësinë të njoftojmë fermerët e komunës së Rahovecit, se ka filluar ekzekutimi i pagesave për dëmet e shkaktuara nga breshëri. Pas vendimit nga Kryeministri i Kosovës për kompensimin e dëmeve, është bërë transferimi i mjeteve për grupin e parë për 293 fermerë në vlerën prej 301,621.10€!
Pagesa dhe transferimi i mjeteve financiare për fermerë tjerë pritet të bëhet deri në fund të kësaj jave.
Falënderojmë Qeverinë e Kosovës që është afër qytetarëve dhe fermerëve të komunës së Rahovecit, duke i ekzekutuar pagesat në kohë rekorde!
