Drejtori i Shërbimeve Publike Përparim Krasniqi ka njoftuar dje se ka nisur puna e pastrimit të oborrit në ish-objektin e vjetër të shkollës së mesme.
Krasniqi ka njoftuar se kjo hapësirë do të shërbejë për parkim të veturave, për shkak të ardhjes së bashkëatdhetarëve. Po ashtu, ai ka njoftuar se parkingu do t’u shërbejë të gjithëve pa pagesë.
“Sot, ka filluar puna e pastrimit të oborrit në ish objektin e vjetër të Shkollës së Mesme, i cili gjendet përballë Stacionit të Policisë në Rahovec. Kjo hapësirë e lirë do të shërbejë për parkim të veturave. Të vetëdijshëm se bashkatdhetarët tanë kanë filluar të vijnë në Kosovë si dhe duke e parë nevojën për parkingje të reja, shpresojmë se atyre do t’ju mundësohet të kenë më shumë hapësirë për parkimin e automjeteve. P.s. Ky parking do të shërbejë për të gjithë dhe është pa pagesë”, ka njoftuar Krasniqi.
