KH Rahoveci mbyll sezonin në pozitën e katërt, në mesin klubeve më të mira në Kosovë

Skuadra e hendbollit KH Rahoveci, ka hyrë në mesin e skuadrave elitare të hendbollit kosovar.

KH Rahoveci ka njoftuar se këtë sezon e ka përmbyllur me fitore ndaj KH Llapi, duke marrë pozitën e katërt.

Kjo është një arritje e madhe për skuadrën rahovecase, pasi që ka siguruar një pozitë të rëndësishme në Superligë pas shumë viteve.

Njoftimi i plotë:

RAHOVECI NË MESIN E SKUADRAVE ELITARE TË HENDBOLLIT KOSOVAR!

Sezonin e rregullt e mbyllim me fitore 34-36 ndaj KH Llapit dhe në pozitën e katërt.

Tani 6 skuadrat e para luajnë në SUPERLIGËN A, secila me njëra-tjetrën, nga dy ndeshje, për një vend në playoff.

Një arritje e madhe për ne si klub ku në sezonin e parë në Superligë pas shumë vitesh arrijmë të sigurojmë një pozitë solide.

Sezoni fillon tani!

HAJDE RAHOVEC