KEDS jep lajmin e keq, nisin reduktimet e energjisë elektrike në Kosovë

KEDS ka dërguar një komunikatë së fundi, në të cilën tregon se do të fillojnë kufizimet e energjisë elektrike për 24 orët e ardhshme, për shkak të mbingarkesës së sistemit elektroenergjetik. 

Këto kufizime të energjisë do të vlejnë për të enjten, por nuk përjashtohet mundësia që të vazhdojnë edhe për ditët e ardhshme.

Në komunikatë shkruhet që “do të jenë rreth dy orë” kufizimet. Por “rreth” nuk siguron qytetarët se këto kufizime do të jenë tamam vetëm dy orë.

Informatë e rëndësishme për konsumatorë

Gjatë ditëve të fundit, sistemi elektroenergjetik i vendit është mbingarkuar tej mase. Të njëjtën kohë, duke u ballafaquar me krizën më të rëndë elektroenergjetike botërore, Operatori i Tregut- KOSTT, duke u bazuar në ligjet në fuqi, ka udhëzuar që të fillohet me kufizime të energjisë elektrike. Këto kufizime do të jenë rreth dy orë dhe do të prekin të gjithë konsumatorët në kohë të ndryshme, përveç atyre emergjentë.

Kjo situatë do të mbizotërojë gjatë 24 orëve të ardhshme, ndërsa për ditët në vijim në jemi në pritje të instruksioneve nga KOSTT-i dhe do të veprojmë konform tyre.

Sistemi elektroenergjetik i vendit është afektuar tashmë komplet nga kriza globale dhe pasojat e saj përballohen më lehtë, nëse secili nga ne jep kontributin e tij. Pra, që kriza të ketë ndikim sa më të vogël, KEDS apelon për kursim maksimal të energjisë elektrike dhe përdorim të formave alternative të ngrohjes, aty ku ka mundësi.

Reklama