Haradinaj pret boksierin kosovar që do të rrahet me djalin e Arkanit dhe Cecës

Kryeministri i Kosovës, Ramush Haradinaj, ka pritur sot në zyrën e tij në Qeveri, boksierin kosovar Petrit Mazrekajn.

Petrit Mazrekaj, boksieri i Austrisë me prejardhje nga Kosova, do të përballet për luftë në ring me serbin Veljko Raznatoviq – i cili është djali i kriminelit serb Arkan dhe i këngëtares serbe Ceca.

“Prita sot boksierin Petrit Mazrekaj, të cilit i urova shumë sukses në meçin e radhës.
Petriti ka shpirt sportisti por si shqiptar e ka edhe një motiv shtesë në përballjen e tij. Për motivim si dhe evokim se cila ishte rruga jonë deri në liri, ia dhurova atij flamurin kombëtar! Me fat!”, ka shkruar kryeministri.

Haradinaj me këtë rast gjatë takimit, i ka dorëzuar Mazrekajt flamurin kombëtar shqiptar.

Mazrekaj pranoi ofertën e kundërshtarit të tij serb Raznatoviq për këtë verë në përballje të kategorisë super të mesme.

Reklama