Kryeministri në Detyrë, Ramush Haradinaj, ka dhënë intervistën e parë prej dorëheqjes, ku ka folur për situatën politike dhe çështjen e tij gjyqsore me Tribunalin Special.
Haradinaj, i është drejtuar qytetarëve, duke thënë që të mos mërziten më shumë për fatin e tij personal se për fatin e Kosovës, sepse, sipas tij, ka agjenda politike.
“Sa për rastin tim mos të mërzitet kush. Se jam ra nëpër këto. Nk është fundi i dynjasë për mu, as nuk ka me qenë. Kemi dhënë shumë, kam dhanë vllaznit, Jasharët kanë dhënë familjen. Por jam i mërzitun për agjendat politike. Për lojnat që po bahen, sepse janë do lojna”, ka thënë Haradinaj në “Pressing” të T7.
Haradinaj ka lënë të kuptohet se ka qenë në një presion të madh politik që prej një viti. Ai në mënyrë metaforike ka thënë se ftesa nga Specialja e ka shpëtuar.
“Ftesa ka qenë momenti i mbramë, ftesa ma ka kputë konopin. Unë kam qenë në konop që një vit a më shumë”, ka thënë Haradinaj. /RahoPress/
