Gati 2 mijë të vdekur nga COVID-19 në Kosovë

1 mijë e 960 të tjerë kanë vdekur shkak i infektimit me koronavirus në Kosovë, ndërsa  më sot 96 mijë e 212 qytetarë janë infektuar me këtë virus.

Sipas raportit të Institutit Kombëtar të Shëndetësisë Publike të Kosovës (IKSHPK) aktualisht në vend janë 14 mijë e 120 raste aktive me COVID-19.

Më 13 mars të vitit të kaluar në Kosovë u paraqitën dy raste e para pozitive me COVID-19. Nga atëherë e deri më sot 96 mijë e 212 qytetarë janë infektuar me këtë virus, ndërsa 1 mijë e 960 të tjerë kanë vdekur shkak i infektimit me koronavirus.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 5.502 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 871 raste pozitive. Brenda 24 orëve janë raportuar 12 raste të vdekjes me SARS CoV-2 pozitiv. Rastet e vdekjes janë nga komunat: Vushtrri 3 raste (83, 79, 77 vjeç), Gjakovë 2 raste (65, 64 vjeç), Podujevë 2 raste (76, 65 vjeç), Lipjan 1 rast (84 vjeç), Prishtinë 1 rast (69 vjeç), Prizren 1 rast (81 vjeç), Skenderaj 1 rast (88 vjeç), Suharekë 1 rast (63 vjeç). Numri total i rasteve pozitive është 96.212 raste nga 462.166 persona të dyshimtë në virusin SARS-CoV-2 dhe 1.960 raste të vdekjes. Gjatë 24 orëve të fundit, janë shëruar 642 pacientë derisa numri i përgjithshëm i të shëruarve deri më sot është gjithsej 80.132 raste, kurse numri i rasteve aktive është 14.120”, ka njoftuar IKShPK.

Prishtina ka numrin më të madh të rasteve pozitive COVID-19.

Reklama