Gani Geci e quan të vonuar dorëheqjen e Isa Mustafës: Në 10 vjetët e fundit bëri disa gabime të pafalshme

Ish-deputeti i Lidhjes Demokratike të Kosovës, Gani Geci, po  e quan të vonuar dorëheqjen e Isa Mustafës nga pozita e Kryetarit të LDK-së.

Megjithatë Geci për Info Magazine këtë vendim të Isa Mustafës, e cilësoi tejet pozitiv, për gjithë anëtarësinë e LDK-së por siç tha ai edhe për gjithë Kosovën, njofton Klan Kosova.

”Ky është një lajm i mirë, për gjithë anëtarësinë  e LDK-së dhe për Kosovën. Për shkak se Mustafa në 10 vjetët e fundit ka bërë disa gabime të pafalshme karshi LDK-së dhe për këto gabim iu janë hakmerrë nga elektorati i LDK-së”.

”Kjo hakmerrje ka rezultuar me rezultatin më të dobët që ka pasur LDK që nga themelimi”.

”LDK ka pasur teporëzen e vet, qysh atëherë kur në LDK u instalua vendimi që në LDK kanidojnë vetëm ata që mbledhin nënshkrime. Dhe tash nëse nuk ndërrohet statuti i LDK-së, dhe nuk lejohen të kandidojnë dy apo më tepër kandidatë dhe nuk lejojnë të mbesin në fund dy kandidatë e të zgjidhet më i miri, prapë LDK do të ketë probleme të tilla”.

”Kjo është një dorëheqje e vonuar. Siç tha edhe vet Haziri e gjithë kryesia e LDK-së është e dorëhequr deri në kuvendin e ardhshëm. Prandaj ne duhet të riorganizohemi, të fillojmë punën nga e para për arsye se kemi pësuar debakël në këto zgjedhje”.

”Unë kam shkel me këmbë gjithë territorin e Kosovës në këto zgjedhje dhe kam parë që trupa e LDK-së në këto zgjedhje ka qenë e përgjysmuar”.

Ndërkaq lidhur me mendimin e tij për emrin potencial që mund të jetë kryetar i LDK-së, Gani Geci mohoi të përmend dikënd, ndërsa ritheksoi nevojën që ky subjekt të ndërrojë statutin për garën e të parit të partisë.

”LDK duhet të ndërrojë statutin dhe të garojë me shumë kandidatë. Herën e dytë kur hidhet vota në katër ose në pesë, apo që të gjithë ata që duan të bëhen pjesë e kandidaturave të bëhen pa hezitim pa 51%, dhe herën e dytë të mbesin dy në garë, njëri të bëhet kryetar dhe tjetri nënkryetar”.

”Meqë ata emra nuk i kanë bërë askush publik, preferencat e mia mund të ndikojnë keq tek dikush, por LDK mendoj që duhet të garojë për kryetar partie me shumë kandidatë herën e parë, herën e dytë me dy dhe të zgjidhet kryetar e nënkryetar. Kështu do ta kalojmë krizën, LDK do të fillojë të rimëkëmbet, dhe të ecim përpara. LDK ka një potencial intelektual të mjaftueshëm që di të udhëhe

Reklama