Sot në Kosovë do të mbajë mot kryesisht me diell dhe mjaft i nxehtë. Do të kemi fuqizim të erërave jugore dhe jugperëndimore si pasojë e frontit të fuqishëm të ftohtë ajror që do të përfshijë rajonin ballkanik por jo Kosovën. Temperaturat maksimale do të sillen rreth 32-33 gradë celsius në nivel vendi. Pasdite vonë në disa rajone mund të ketë rrebeshe lokale shiu me vetëtima dhe bubullimë.
Në Shqipëri mot me diell dhe mjaft i nxehtë. Pasdite në disa vise malore mund të ketë ndonjë rrebesh të izoluar shiu.
Edhe në Maqedoninë e Veriut dhe Mal të Zi pritet të mbajë mot kryesisht me diell dhe mjaft i nxehtë. Pasdite në disa rajone priten rrebeshe të izoluara shiu.
Të hënën fronti do të na përfshijë edhe ne dhe do të kemi destabilizim të ri të motit. Priten zhvillime të vranësirave të cilat pasdite do të na sjellin rrebeshe lokale shiu me vetëtima dhe bubullimë.Vende-vende mund të ketë rrebeshe të fuqishme. Priten edhe ulje të lehta të temperaturave. Në bregdet dhe Shqipërinë perëndimore dhe jugperëndimore reshjet do të jenë shumë më të rralla dhe më të izoluara.
Të martën në tërë rajonin mot me diell por edhe me zhvillim lokal të vranësirave të cilat vende-vende do të kushtëzojnë rrebeshe kryesisht të izoluara shiu me vetëtima dhe bubullimë. Të martën rrebeshe afatshkurtëra shiu me vetëtima dhe bubullimë priten edhe në jug dhe lokalisht edhe në perëndim të Shqipërisë.
Nga e mërkura stabilizim gradual i motit por ende në disa rajone priten rrebeshe të izoluara shiu pasdite.
