Drejtori i Bujqësisë në Komunën e Rahovecit, Berat Duraku i ka bërë një vizitë fermerit Imer Duraku nga Krusha e Madhe i cili është kultivues i bimëve mjekësore aromatike (BMA) dhe produkteve perimore.
Fermeri kultivon disa lloje të bimëve mjekësore aromatike. Ai në ngastrat e tij ka të kultivuar Origanon dhe Sherbelen.
“Përpos këtyre produkteve aromatike ai ka të mbjellur edhe kultura perimtare, si: Karrota 2.5 ha, Preshi 1.5 ha dhe Speca 2.0 ha. Fermeri në fjalë ka marë mbështetjen e Komunës së Rahovecit ku ka përfituar serrën prej 0.5 ha e cila është mbuluar me najllon të zi që mundëson tharjen e këtyre bimëve”, thuhet në një njoftim.
Drejtoria ka theksuar se fermët sikur Imer Duraku do të përkrahen në vazhdimësi nga Komuna e Rahovecit.
