Buka e zezë ngjyroset, nuk përgatitet me miellin adekuat

Ergyl Binçe, nga Departamenti i Ekologjisë Humane në Institutin e Shëndetësisë Publike të Kosovës ka deklaruar se problemet më të mëdha me aditivët qëndrojnë në keqpërdorimin e tij.

Sipas Binçes në Kosovë buka e zezë ngjyroset me aditivë me ngjyrë.

“Problemi qëndron në sasinë që përdoret për të bërë hile, për shembull buka e zezë nuk është prej miellit adekuat, por del që është e ngjyrosur me u dukë si e tillë. Këtu janë problemet që bëhen me aditivët e ndryshëm dhe i bëjnë njerëzit që janë të aftë të bëjnë gjëra të tilla që janë kundërligjore”, ka thënë Binçe.

Janë bërë dy vite që Agjencia e Ushqimit dhe Veterinarisë (AUV) nuk ka bërë kërkesa për analiza në bukë.

Instituti Kombëtar i Shëndetësisë Publike në Kosovë (IKShPK), që është kompetent për të kryer analiza të aditivëve në bukë, nuk ka pasur kërkesa që dy vite.