Aleanca për Ardhmërinë e Kosovës – dega në Rahovec sot ka mbajtur mbledhjen e radhës me anëtarë të këshillit drejtues, anëtarë të kryesisë dhe kryetar të nëndegëve.
Sipas njoftimit për media, në takim është diskutuar për gjendjen e përgjithshme dhe zhvillimet e fundit në vend.
“Kryetari i degës së AAK-së në Rahovec, z. Smajl Latifi ka kërkuar gatishmëri dhe mobilizim nga strukturat e partisë, në mënyrë që t’i përgjigjemi sa më mirë situatës së krijuar. Aleanca në Rahovec është e gatshme për të shënuar fitoren e madhe, Ramush Haradinaj dhe AAK-ja do të dalin fitues edhe në këtë betejë, dhe do të rikthehen më të fuqishëm se kurrë në mbrojtje të interesave të shtetit të Kosovës”, thuhet në njoftim.
AAK e Rahovecit ka falënderuar të gjithë ata, siç thuhet “qe gati për dy dekada kanë besuar në Aleancë.”.
“Bashkë kemi krijuar vlerë të shtuar për demokracinë dhe shtetin e Kosovës”, thuhet në fund. /RahoPress/
